Rusiyanın Ali Baş Komandanı, prezident Vladimir Putin gözlənilmədən Qərbi və Mərkəzi hərbi dairələrin qoşun və qüvvələrinin, həmçinin bir sıra qoşun növlərinin döyüş hazırlığının kompleks şəkildə yoxlanılması ilə bağlı göstəriş verib.
AZXEBER.COM-un RİA Novosti-yə istinadən verdiyi xəbərə görə, bu barədə ölkənin müdafiə naziriSergey Şoyquməlumat verib.Onun sözlərinə görə, qəfil yoxlamaların Ukraynadakı hadisələrlə heç bir bağlılığı yoxdur.“Böyük ehtimal ki, bu təlimlərin Ukraynada baş verən hadisələrlə heç bir əlaqəsi yoxdur. Bu, bir neçə təlimdən ibarət bir yoxlamadır. Təlimlər Ukrayna ilə səhəddə keçiriləcək”, - deyə nazir bildirib.Onun sözlərinə görə, təlimlərdə əsas məqsəd qoşunların döyüş hazırlığını yoxlamaqdır.Şoyqu təlimlərə 150 mindən çox hərbçi, 90 təyyarə, 120-dən artıq vertolyot, 870-ə yaxın tank, 1,2 min ədəddən çox hərbi texnika, həmçinin 80-ə qədər gəmi cəlb olunacağını xəbər verib.Təlimlər zamanı döyüş mərmilərindən istifadə olunacaq.
