Rusiya Federasiyası ilə sülh danışıqları bir neçə həftə çəkə bilər.
AZXEBER.COM Ölkə.az-a istinadən xəbər verir ki, bunu "Bloomberg”ə müsahibəsində prezident aparatının rəhbərinin müşaviri Mixail Podolyak deyib.
"Rusiya ilə sülh danışıqları ən azı bir neçə həftə davam edə bilər, baxmayaraq ki, Moskvanın mövqeyinin "daha uyğun” olmasına dair əlamətlər var”, - Podolyak bildirib.
Onun sözlərinə görə, baxılan məsələlər arasında atəşkəs, Rusiya qoşunlarının çıxarılması və təhlükəsizlik təminatları var.
Podolyak həmçinin deyib ki, Rusiya "Əfqan ssenarisi” ilə müharibə aparır. Onun fikrincə, Rusiyanın taktikası "böyük şəhərləri mühasirəyə almaq və qanadlı raketlər və hava bombaları ilə bombardman etməkdir”.
Daha əvvəl bildirilib ki, Rusiya Federasiyasının Ukrayna ilə danışıqlarda mövqeyi yumşalıb, lakin Ukrayna öz qüvvələrinin sonuna qədər döyüşməkdə qərarlıdır.
Eyni zamanda, prezident Vladimir Zelenski əmin edib ki, danışıqlarda onun prioritetləri tamamilə aydındır - bunlar müharibənin sonu, təhlükəsizlik təminatları, suverenlik, ərazi bütövlüyünün bərpası, Ukrayna üçün real təminatlar və real müdafiəsidir.
