Rusiya Ukraynanın Krım və Azov dənizi üzərində 40-dan çox PUA hücumunun qarşısını alıb.
AZXEBER.COM xarici mediaya istinadən xəbər verir ki, bu barədə Rusiya Müdafiə Nazirliyindən məlumata verilib.
Nazirlikdən hücumlarla bağlı verilən açıqlamada deyilib:
"Bu gecə Kiyev rejiminin Rusiya Federasiyası ərazisinə qarşı təyyarə tipli PUA ilə terror aktı törətmək cəhdinin qarşısı alınıb".
Bəyanatda bildirilib ki, Rusiya hava hücumundan müdafiə sistemləri Krım ərazisi və Azov dənizi üzərində Ukraynaya məxsus 22 PUA-nı məhv edib, 13 PUA-nın da ələ keçirilib.
Başqa bir açıqlamada Ukraynanın yerli vaxtla saat 06:00 radələrində Azov dənizində PUA ilə hücum cəhdinin yenidən qarşısı alındığı, Rusiya hava hücumundan müdafiə sistemlərinin Ukraynaya məxsus 4 PUA-nı məhv etdiyi, 2 PUA-nın isə qarşısını aldığı bildirilib.
Xatırladaq ki, Krım 2014-cü ildə qanunsuz olaraq Rusiya tərəfindən ilhaq edilib.
Mikayıl
