Rusiyalı iqtisadçı, Yeni Cəmiyyət İnstitutunun direktoru Vasili Koltaşov bölgənin iqtisadi xəritəsinin necə dəyişməsi, yeni nəqliyyat dəhlizlərinin kimə sərf etməsi və Ermənistandakı bəzi qüvvələrin niyə əməkdaşlığa qarşı çıxması barədə Caliber.Az-a müsahibə verib.
O bildirib ki, yeni nəqliyyat dəhlizlərindən bölgədəki bütün ölkələr faydalana bilər:
"Ancaq təbii ki, vəziyyət elədir ki, obyektiv olaraq ən çox Azərbaycan, İran, Rusiya, Türkiyə, Pakistan və Hindistan qazanır. Amma milli administrasiyası olmayan Ermənistanla bağlı sual açıq qalır. Ermənistanın suveren hökuməti yoxdur. Ona görə də, bölgədə siyasi və coğrafi dəyişikliklər bu qədər çətinliklə əldə edildi, sülh yolu ilə həll olunası məsələni (Azərbaycan - red.) hərbi yolla əldə edildi”.
İqtisadçı vurğulayıb ki, "Böyük Ermənistan” xülyasının reallaşması mümkün deyil:
"Azərbaycan mühüm tranzit ölkəsidir və Ermənistan bu imkanlardan istifadə etməyə hazır deyil. "Böyük Ermənistan” militarist strategiyasının vaxtı keçdi, onun həyata keçirilməsi mümkün deyil. Ancaq nə qədər ki, Nikol Paşinyan hakimiyyətdədir, rasional iqtisadi-ticarət strategiyası da işləməyəcək”.
Müsahibənin tam mətni ilə Caliber.az saytından tanış ola bilərsiz.
