Ukrayna ilə müharibə vəziyyətində olan Rusiyada yeni qanun layihəsi böyük müzakirələrə səbəb olub.
AZXEBER.COM xarici mediaya istinadən xəbər verir ki, Rusiya ölkəyə gələn əcnəbiləri Kremlin Ukraynadakı müharibəsini tənqid etməyi və LGBT problemlərindən danışmağı qadağan edən sədaqət müqaviləsi imzalamağa məcbur edən qanun təqdim etməyə hazırlaşır.
"Tass” xəbər agentliyi bildirib ki, saziş əcnəbilərə Rusiya Federasiyasının xarici və daxili dövlət siyasətini, dövlət orqanlarını və məmurlarını hər hansı şəkildə nüfuzdan salmağı qadağan edəcək.
Hüquq müdafiəçiləri bildiriblər ki, qanun qərbli jurnalistlərin Rusiyada qanunu pozmadan işləməsini qeyri-mümkün edəcək. Keçən il Kreml Rusiya ordusunun Ukraynadakı hərəkətləri ilə bağlı saxta xəbərlər dərc etməyi cinayət hesab edən qanunu təsdiqlədikdən sonra çoxları Rusiyanı tərk edib.
Cəzanı pozan əcnəbilərə hansı cəzaların veriləcəyi hələ məlum olmasa da, rusiyalı siyasətçi Leonid Kalaşnikov qanun layihəsinin böyük ehtimalla təsdiqlənəcəyini bildirib.
Rusiya Prezidenti Vladimir Putinin ötən il imzaladığı fərmanla ölkədəki homoseksual münasibətlər "Rusiya cəmiyyəti üçün dağıdıcı ideyalar və dəyərlər” sırasına daxil edilib.
Ayşən
