AFFA prezidenti Rövnəq Abdullayev Topaz Premyer Liqanın 25-ci turunda baş tutan “Neftçi”- “Qarabağ” oyununda yaşanan qalmaqala münasibət bildirib.
Bu gün jurnalistlərlə söhbətində o, AFFA İcraiyyə Komitəsinin “Neftçi” haqda çıxardığı qərarları dəstəkləyib. “Bu, haqlı” qərardır” – deyə R.Abdullayev bildirib.
AFFA prezidenti həmin oyunda azarkeşlərin nalayiq ifadələr işlətməsidə də etiraz edib”.
R.Abdullayev “Neftçi”nin baş məşqçisi Böyükağa Hacıyuevin oyundan sonra səsləndirdiyi fikirlərlə tanış olduğunu söyləyib: “AFFA İntizam Komitəsinin bu məsələyə dair çıxardığı qərar haqlıdır”.
AFFA prezidenti “Neftçi”nin qurumun Apelyasiya Komitəsinə müraciət etməsindən xəbərdar olduğunu söyləyib: “Düzü, onların narazılığı mənim üçün anlaşılmazdır. AFFA-nın çıxardığı haqlı qərarlara etiraz etməkdənsə, "Neftçi"nin məsul şəxsləri öz hərəkətlərinə və açıqlamalarındakı ifadələrə daha diqqətlə yanaşmalı, ölkə çempionatının Əsasnaməsinin tələblərinə uyğun davranmalıdır. Əks-təqdirdə, intizam qaydalarına uyğun olaraq kluba və klub rəsmilərinə qarşı daha ciddi sanksiyalar tətbiq oluna bilər." //qol.az
