Müğənni Röya Ayxan 17 yaşadək futbolçulardan ibarət Azərbaycan yığması ilə görüşüb.
AZXEBER.COM AFFA-nın rəsmi saytına istinadən verdiyi məlumata görə, görüş Bakının Mərdəkan qəsəbəsindəki AFFA Futbol Mərkəzinin ərazisində yerləşən Mili Komandaların Təlim-Məşq Mərkəzində keçirilib.
Mayın 5-də Bakıda start götürəcək Avropa çempionatının səfiri yığmaya uğurlar arzulayıb.
Qeyd edək ki, mayın 21-dək davam edəcək çempionatda Azərbaycan yığması ilk görüşünü açılış mərasiminin ardından Portuqaliyaya qarşı keçirəcək.
