Dünyanı gəzən və getdikləri hər ölkənin, şəhərin simvolik məkanlarının qarşısında əvəz olunmaz xalq və bəstəkar mahnılarını ifa edərək videoroliklər çəkərək sosial mediada məşhurlaşan müğənnilər Röya-Rizvan cütlüyünə ağır itki üz verib.
AZXEBER.COM xəbər verir ki, müğənni Rizvan nənəsinin dünyasını dəyişdiyini bildirib.
Amerika vətəndaşlığı alan və hazırda orada yaşayan Röya-Rizvan bir neçə gün öncə Azərbaycana gəlib.
Nənəsi ilə vidalaşa bildiyi üçün sevinən müğənni, ona bu sözlərlə vida edib:
"Sağ ol mənim şirin nənəm, sağ ol mənim uşaqlığım, sağ ol dinlədiyim nağıllar, sağ ol pendirlə şirin çayım, sağ ol namazda eşitdiyim dualarım. Çox sağ ol gəlməyimi gözlədiyin üçün. Sağ ol nənəm, rahat yat!".
Aysel
