"Sən demə gələcəkdə mənim ömür-gün yoldaşım olacaq insan 2 il gözümün önündə olub, mənsə onu tanımamışam".
AZXEBER.COM xəbər verir ki, bunu Əməkdar artist Tünzalə Əliyevanın həyat yoldaşı Röyal deyib.
Sosial media hesabında həyat yoldaşı ilə nadir fotosunu yayımlayan Röyal, tanışlıq hekayəsindən danışıb:
"Mən televizora çox baxan biri deyildim, yalnız futbol olanda baxardım, elə indi də baxmıram. Restoranda işləyəndə Tünzalə o məkanda xına mərasimləri edirdi. Mənə deyirdilər ki, "Toppuş bacını tanıyırsan?". Mənsə yox, tanımıram deyirdim. Hətta bir dəfə onunla sözümüz tərs də gəlmişdi. Məndən masa istəmişdi, mən də işim var, özünüz alın demişdim. Nə bilərdim axı o mənim gələcək həyat yoldaşım, Zəhramın anası, mənim ən dəyərlim olacaq? Sən demə gələcəkdə mənim ömür-gün yoldaşım olacaq insan 2 il gözümün önündə olub, mənsə onu tanımamışam. Bax belə... Nağılda olduğu kimi, indi biri var, biri yox... Mən də yox olana qədər səbr edəcəyəm".
Aysel
