Sabah ABŞ və Çin rəhbərləri Cozef Baydenlə Si Cinpin arasında telefon danışığı olacaq.
AZXEBER.COM "Report"a istinadən xəbər verir ki, bu barədə Ağ Evin mətbuat katibi Cen Psaki bildirib.
Psakinin sözlərinə görə, danışıqlar martın 18-də baş tutacaq.
Sözçü qeyd edib ki, liderlər Ukraynadakı vəziyyəti müzakirə edəcəklər.
"Telefon danışığı Vaşinqton və Pekin arasında rabitə kanallarını açıq saxlamaq səylərinin bir hissəsidir", - Psaki əlavə edib.
"Prezident Bayden sabah (ÇXR) sədri Si (Cinpin) ilə danışıqlar aparacaq və açıq şəkildə bildirəcək ki, Çin Rusiyanın təcavüzünü dəstəkləmək üçün atacağı istənilən addıma görə məsuliyyət daşıyacaq", - bunu isə ABŞ dövlət katibi Entoni Blinken jurnalistlərə bildirib.
