Bakının Sabunçu rayonu, Bakıxanov qəsəbəsinin Bəşir Bünyadov və Yavər Əliyev keçələrində yaşayan sakinlər mavi qaz problemi yaşayır.
Mavi yanacağın olmaması isə sakinləri evlərdə elektrik sobaları və qızdırıcılar işlətməyə məcbur edir. Çünki közərən qazın üstündə çay qaynatmaq və yemək bişirmək mümkün deyil.
Sakinlər deyirlər ki, aylardır mavi yanacağa həsrətdirlər.
Problemə münasibət bildirən "Azəriqaz" İstehslat Birliyi mətbuat xidmətinin rəhbəri İbrahim Kərbalayev "Xəzər Xəbər"ə deyib ki, sakinlər ya ərizə ilə yazılı, ya da 104 və 185 nömrələri ilə əlaqə saxlayıb, aidiyyati ünvan üzrə qeydiyyatdan keçməlidirlər. Daha sonra ərazi üzrə qaz idarəsinin əməkdaşları gəlib qazın təzyiqini artırmalıdırlar. Yəni problem əraziyə verilən qazda yox, evlərə qoyulan tənzimlənmə apartlarındadır. "Azəriqaz"ın əməkdaşlarının kiçik müdaxiləsi ilə qazın təzyiqi artırılsa, məsələ öz həllini tapacaq. /xezerxeber.az
