2020-ci ildəki ayrılıqlarından sonra bütün əlaqələri kəsən Şakira və Gerard Pike yenidən bir-biri ilə ünsiyyət qurmağa başlayıblar.
AZXEBER.COM xəbər verir ki, 2022-ci ildə rəsmi olaraq yollarını ayıran cütlüyün münasibətləri uzun müddət gərgin olaraq qalıb. Onlar illərdir birbaşa danışmır, ünsiyyəti əsasən Şakiranın qardaşı Tonino kimi vasitəçilər həyata keçirirdi.
Lakin məlumatlara əsasən, bu vəziyyət 2025-ci ilin sonuna doğru tamamilə dəyişib.
Artıq Şakira və Pike telefon və WhatsApp vasitəsilə birbaşa əlaqə qururlar.
Görüşlər və dialoqlar sakit, mübahisəsiz və sırf praktiki mövzular üzərində cəmlənir. Söhbətlərin əsasını uşaqların cədvəlləri, tətil planları, qəyyumluq məsələləri və gündəlik logistika təşkil edir.
Bu dəyişiklik onların emosional olaraq "barışması" və ya münasibətlərinə yenidən başlamaq niyyəti kimi qiymətləndirilmir. Daha çox valideynlik öhdəliklərinə fokuslanan yetkin və praqmatik ünsiyyət tərzi kimi xarakterizə olunur.
Gülay
