Azərbaycan Prezidenti yanında Strateji Araşdırmalar Mərkəzi (SAM) Afinada Yunanıstanın Enerji Nazirliyi və “Enerji Stream” şirkəti tərəfindən təşkil olunan 4-cu illik “2013 Aralıq Dəniz Neft – Qaz” konfransında akademik tərəfdaş kimi iştirak edib.

Gün.Az xəbər verir ki, SAM-ın enerji üzrə eksperti Gülmira Rzayeva tədbirdə məruzəçi qismində iştirak edib.O, çıxışında deyib ki, Azərbaycan Dövlət Neft Şirkəti, Yunanıstanın qaz paylayıcı sistemi olan DESFA-nın özəlləşdirilməsində maraqlıdır və SOCAR-ın burada əsas məqsədi şirkətin uzun müddətli strategiyasına uyğun olaraq, Yunanıstanın qaz bazarına investisiya yatırması sistemini inkişaf etdirməkdir. Bu da gələcəkdə Yunanıstanın Azərbaycandan hər hansı boru xətti ilə idxal edəcək qazın həcmini artıra bilər. Konfransda Yunanıstanın enerji nazirinin müavini Yannis Maniatis, dəniz, Daşınma və Egey Dəniz məsələləri Naziri Konstantinos Mussurulis, Xarici İşlər Nazirliyinin Beynəlxalq iqtisadi əlaqələr departamentinin baş katibi Panayotis Mixaylos, DESFA şirkətinin prezidenti Corc Papasenos, iqtisadi inkişaf nazirinin müavini Notis Mitarachi və digər qonaqlar məruzə ilə çıxış ediblər.