Azərbaycan Respublikasının Prezidenti yanında Strateji Araşdırmalar Mərkəzinin direktoru Fərhad Məmmədov,SAM-ın direktor müavini Gülşən Paşayeva, Xarici siyasət məsələlərinin təhlili şöbəsinin aparıcı elmi işçisi Kamal Makili-Əliyev və Xarici siyasət məsələlərinin təhlili şöbəsi aparıcı elmi işçisi Heydər Mirzədən ibarət nümayəndə heyəti Prinston Universitetində (LISD) təşkil edilmiş dəyirmi masada iştirak edib.
AZXEBER.COM-a SAM-dan bildiriblər ki, dəyirmi masada həmçinin institutun direktoru Volfqanq Danşpexqruber, professor və tələbə kollektivi iştirak edib.Tədbirdə “Cənubi Qafqaz regionunda təhlükəsizlik məsələləri və münaqişələr” mövzusu ətrafında fikir mübadiləsi aparılıb.Bununla yanaşı nümayəndə heyətinin digər üzvləri Hyuston Universitetinin Ceyms Beyker adına İctimai Siyasət İnstitutunda "Azərbaycan regionun enerji və nəqliyyat mərkəzidir" mövzusundaseminar keçirib.Seminarda SAM-ın şöbə müdiri Vüsal Qasımlı "Azərbaycan: Asiya, Avropa və Şimali Afrikanı birləşdirən körpü", Gülmira Rzayeva "Azərbaycan və Avropanın enerji təhlükəsizliyi" və elmi işçi Şahmar Hacıyev "Amerikanın Azərbaycanla strateji əməkdaşlığa olan ehtiyacı" mövzusunda məruzələr ediblər. Hyuston Universitetinin Ceyms Beyker adına İctimai Siyasət İnstitutu və SAM arasında elmi əməkdaşlıq perspektivləri də müzakirə olunub.Daha bir mühazirə Sent Luiz, Vasinqton Universitetində bas tutub. SAM-ın Daxili siyasətin təhlili şöbəsinin bas elmi işçisi Rauf Qaragözov “Dagliq Qarabağ münaqişəsində kollektiv yaddaş və narrativ hücumların strategiyasının rolu” mövzusunda mühazirə oxunub.
