Fevralın 6-da Türkiyədə baş vermiş zəlzələdə həlak olan azərbaycanlı tələbələrdən biri Samir Quliyevlə Gədəbəydə vida mərasimi keçirilib.
AZXEBER.COM xəbər verir ki, vida mərasimində mərhumun ailə üzvləri, ictimaiyyət nümayəndələri, şəhər sakinləri və s. şəxslər iştirak edib.
Mərhum Gədəbəyin İnəkboğan kəndində dəfn olunub.
Qeyd edək ki, Samir Quliyev Malatya şəhərində yerləşən İnönü Universitetinin tələbəsi olub. Onunla birlikdə daha 3 azərbaycanlı tələbə dağıntılar altında qalaraq həlak olub.
