"Satqın QHT sədrləri ilə ermənilərin əlbir olub Kolimiyada keçirilən Mədən Sənayesində Şəffaflıq Təşəbbüsü (MSŞT) İdarə Heyətinin 36-cı toplantısında Azərbaycanın nüfuzuna xələl gətirməsində təəccüblü heç nə yoxdur. Çünki hər birimiz yaxşı bilirik ki, Azərbaycana qarşı olan şəbəkədə məhz Azərbaycanlı olub ruhunu şeytana satmış bir qrup QHT fəalı da var”.
AZXEBER.COM xəbər verir ki, bunu SİA-ya açıqlamasında siyasi şərhçi Azər Həsrət deyib.
Onun sözlərinə görə, bir qrup QHT fəalı Azərbaycanın ən ümdə problemləri olan qaçqınlar, işğal altındakı torpaqlar məsələsində ya susarlar, ya da düşmən dəyirmanına su tökərlər: "Azərbaycana hücum imkanı yarananda da o cəbhədə yer alar, ölkəmizi gözdən salmaq fürsətini əldən verməzlər. Yəni bu adamlardan müəyyən mərkəzlər məqsədli şəkildə istifadə edir. İndi baş verən hadisə də o qəbildəndir. Bunlar Azərbaycanı gözdən salmaq üçün növbəti dəfə ermənilərlə ortaqlıq etdilər. Ona görə də həmin adamların çevrəsi, qohum-qardaşı, dost-tanışı bu şəxslərlə bağlı ciddi düşünməlidir”.
