Bu gün "Landmark Hotel Baku”nun qarşısında LGBT bayrağı ucaldılıb. Belə ki, sözügedən binada bir sıra səfirliklərin ofisləri yerləşir. İlkin məlumata görə, LGBT bayrağı Britaniya bayrağının yanında ucaldılıb və bu, Britaniya səfirliyinin təşəbbüsü olub.
Hadisə ilə bağlı AZXEBER.COM Ağ Partiyanın sədri Tural Abbaslının münasibətini öyrənib:
"Bu hadisə əhalisinin 95 faizindən çoxunun müsəlman olduğu dövlət üçün utancvericidir. Bu dəyərlər Azərbaycanda əhalinin böyük qismi tərəfindən qəbul edilmir. Qəbul edənlərin sayının çox cüzi olduğunu deyə bilərik. Azərbaycan cəmiyyəti milli-mənəvi dəyərləri olan, öz keçmiş adət-ənənələrinə sadiq cəmiyyətdir. Bu ideologiya bizim cəmiyyətə yaddır. Mən də bu yersiz hərəkəti müxalifət partiyası olaraq qınayıram. Hər il bənzər hadisənin şahidi oluruq. Demək olar ki, hər il bu gün insanlığa zidd olan bu ideologiyanın bayrağını sallandırırlar. Təəssüf edirəm ki, neçə min illik tarixi olan ölkənin bayrağı ilə yanaşı dalğalandırılıb.
Hər halda Azərbaycanda dalğalamasına etiraz etməliyik.
Təəssüflə bildirirəm ki, Azərbaycan dövlət qurumlarından da hadisəyə münasibət görmürük. Deyəsən Azərbaycada dövlət qurumları dünyada yaradılmış bu təzyiq qarşısında geri çəkilir. Homofob kimi adlarının ləkələnməyindən qorxurlar. Bu xəstə təfəkkürü dəstəkləməyin özü əksiklikdir.”- deyə partiya sədri qeyd edib.
Şəbnəm Zahir
