"Bir insanı vurmaq, bilmədən yıxıb-sürümək bizim insanlarda boldur. Mən də bu Vətənin qızıyam".
AZXEBER.COM xəbər verir ki, bu sözləri müğənni Nəfəs şəhid fotoları qarşısında etdiyi rəqsi qınayanlara cavab olaraq deyib.
Müğənni, bütün iradlara sosail media hesabında yayımladığı yazı ilə cavab verib.
O, bildirib ki, tədbir konsert kimi qələmə verilsə də, bu bir açılış olub və onun arxa fonda gedən görüntülərdən xəbəri olmayıb:
"Öncəliklə şəhidlərin ruhu şad olsun və bütün şəhid analarının əllərindən öpürəm. Bir insanı vurmaq, bilmədən yıxıb-sürümək bizim insanlarda boldur. Məni stadion açılışına dəvət etdilər, konsert proqramı olacaq dedilər. Getdiyim məkana uygun geyimim hazırlandi. Yəqin ki, ora toy geyiminde getmemeli idim. Təqdim etdilər, çıxdım səhnəyə. Mən səhnəyə çixmamışdan qabaq monitorda bayrağımız var idi.
Orda olan insanlarla oxudum, oynadım, onların könlünü xoş etdim. Heç arxamdakı monitora fikir vermədim. Bu günə qədər yaxşı qız idim, o görüntüdən sonra pis oldum? Mən eyni insanam amma sizlər fərqli düşüncəlisiniz. Nəfəs şəhid balasının yanında olanda, qazi toyunda təmannasız öz ailəm kimi bilib çıxış edəndə, əlil insanı sahiblənib yanında olanda, bəziləriniz harada idi? Allahınız olsun!" .
Aysel
