Bu gün İmişli rayonu Göbəktala kəndində şəhid kapitan Savalanov Nəcməddin Akif oğlu son mənzilə yola salınıb.
Avropa.info xəbər verir ki, prezident İlham Əliyevin müvafiq sərəncamı ilə kapitan Savalanov Nəcməddin Akif oğlu sağlığında "igidliyə görə" medalı ilə təltif olunmuşdu.
Avropa.info-nun bölgə müxbiri şəhidin son mənzilə yola salınması tədbirində iştirak edib.
Qeyd edək ki, Şəhid Kapitan Savalanov Nəcməddin aprelin 2-də Lələ Təpə yüksəkliyini düşməndən azad olunması əməliyyatında yaralanmışdı. Mayın 8-i isə Bakı Hərbi Hospitalında vəfat edib.
Dəfn mərasimində şəhid kapitanın azyaşlı qızının atasının nəşi önündə bayraq haqda şeir söyləməsi Nəcməddin Savalanovu son mənzilə uğurlayanları göz yaşlarına boğub...
