Aprel ayında qoşunların təmas xəttində Ermənistan silahlı birləşmələrinin təxribatlarının qarşısını alarkən şəhid olan Azərbaycan Silahlı Qüvvələrinin müddətdən artıq hərbi qulluqçusu, gizir Sərxan Oqtay oğlu Bayramov ölümündən sonra "Hərbi xidmətdə fərqlənməyə görə" 3-cü dərəcəli medalla təltif edilib.

23 yaşlı şəhidin medalı doğulduğu Zaqatala şəhərində keçirilən qırx mərasimində valideyninə təqdim olunub.

Mərasimdə Müdafiə Nazirliyinin, Zaqatala Rayon İcra Hakimiyyətinin rəsmiləri, ictimaiyyət nümayəndələri və şəhidin yaxınları iştirak ediblər.

Ailənin iki hərbçi övladından biri olan şəhidin medalı atasına təqdim edilib.

Zaqatala rayonunda isə Azərbaycan Silahlı Qüvvələrinin şəhid olan əsgərinin təltif olunduğu medal anasına təqdim edilib.

Bu münasibətlə keçirilən tədbirdə şəhidin doğmaları, Müdafiə Nazirliyinin rəsmiləri, Zaqatala Rayon İcra Hakimiyyətinin rəhbər şəxsləri və ictimaiyyət nümayəndələri iştirak ediblər.

Mərasimdə Azərbaycan Ordusunun şəhid olan 19 yaşlı əsgəri Rəvan Nurayevin Vətənə, xalqa sədaqətli övlad olmağından danışılıb. Bildirilib ki, Rəvan Nurayev bu il aprelin əvvəlində təmas xəttində gedən döyüşlərdə əsl qəhrəmanlıq göstərib və ölümü ilə Vətənə layiq övlad olduğunu bir daha təsdiqləyib.

Müdafiə naziri general-palkovnik Zakir Həsənovun əmri ilə şəhidin təltif olunduğu "3-cü dərəcəli xidmətə görə" medalı anasına təqdim edilib.

Qeyd edək ki, şəhid gizir Elmdar Səfərov bu il aprelin əvvəlində təmas xəttində düşmən təxribatının qarşısını alarkən şəhid olub. Onun cənazəsi doğulduğu Zaqatala rayonu Muxax kənd qəbristanlığında torpağa tapşırılıb.("Report")