Şəmkir rayonu ərazisində baş verən yol-nəqliyyat hadisəsi səbəbilə 3 nəfər Şəmkir Rayon Mərkəzi Xəstəxanasının Təcili tibbi yardım şöbəsinə hospital olunub.
Bu barədə TƏBİB-dən bildirilib.
Qeyd edilib ki, 2007-ci il təvəllüdlü 2 nəfərə və 2010-cu il təvəllüdlü şəxsə bədənin müxtəlif nahiyələrinin travmaları və açıq sınıqları diaqnozları təyin olunub və zəruri ilkin tibbi xidmət göstərilib.
2007-ci il təvəllüdlü şəxslərin vəziyyətləri orta ağır qiymətləndirilir, müalicələri Cərrahiyyə şöbəsində davam etdirilir.
Vəziyyəti stabil qiymətləndirilən 2010-cu il təvəllüdlü şəxsin müalicəsi Təcili tibbi yardım şöbəsində davam etdirilir.
08:30
Şəmkirdə baş verən qəzada xəsarət alanların adları məlum olub.
Xəsarət alanlar 2008-ci il təvəllüdlü E. Cəbiyev, 2007-ci il təvəllüdlü E. Səfxanov və 2010-cu il təvəllüdlü R. Alıyevdir.
Onların vəziyyətinin orta ağır olduğu bildirilir.
Faktla bağlı araşdırma aparılır.
07:07
Şəmkirdə ölümlə nəticələnən ağır yol-nəqliyyat hadisəsi baş verib.
Hadisə rayon ərazisində qeydə alınıb.
Belə ki, hərəkətdə olan "MAZ" markalı yük avtomobili yoldan çıxaraq aşıb.
Qəza zamanı Z. Səmədov hadisə yerində ölüb. 3 nəfər isə xəsarət alaraq xəstəxanaya yerləşdirilib.
Hadisə yerinə polis əməkdaşları cəlb edilib. Faktla bağlı araşdırma aparılır.
///apa
