Daxili İşlər Nazirliyinin Mətbuat Xidmətinin Gəncə regional qrupundan APA TV- nin yerli bürosuna verilən məlumata görə, Şəmkir rayon Polis Şöbəsinin əməkdaşları rayon ərazisindəki ticarət obyektlərində, eləcə də əhalinin sıx olduğu digər məkanlarda nəzarət-profilaktiki təbirlər keçirib.
Tədbirlərdə tənəffüs yollarını qoruyan fərdi qoruyucu vasitələrdən, yəni tibbi maskalardan istifadə etməyən və əsassız bəhanələr gətirən şəxslərə koronavirus infeksiyasının fəsadları və mövcud sanitar-gigiyenik tələblər izah olunub.
Karantin qaydalarını pozan 30 obyekt sahibi. 32 müştəri barəsində protokol tərtib edilərək məsuliyyətə cəlb ediliblər.
İctimai nəqliyyatda keçirilən monitorinq zamanı sürücü və sərnişinlərə sosial məsafənin gözlənilməsi, maskadan istifadənin vacibliyi barədə tövsiyələr verilib.
Qaydalara əməl etməyən 12 nəfər barəsində tənbeh tədbirləri tətbiq edilib.
