"Bu gecə Arif müəllimi yuxumda gördüm. Amma onu o halda görmək istəməzdim..."
AZXEBER.COM xəbər verir ki, bu sözləri Əməkdar artist Aybəniz Haşimova sosial media hesabında yazıb.
Əməkdar artist Arif Babayevlə bağlı xatirələrini bölüşüb:
"Sanki məni görmürdü, yalnız səsimi eşidirdi. Hərəkətsiz və sakitcə nəfəs alırdı, elə bil içində son "Segah"ını oxuyurdu. Necə pis olurmuş bülbülün susması. "Sənə "Leylidən oxuyum?" — dedim. Elə bil hiss etdi, duydu dediyimi. Oxudum.
Yanındayam, ustad! Yanındayam, Arif müəllim! Təəssüf ki, yuxuda yanındayam. Kaş ki, bunların hamısı yuxu olaydı. Oyanaydın. "Qorxma, qızım, yaxşıyam" — deyəydin. Çox pisəm, ustad. Çox pis, oyan!
Birdən yadıma uşaqlığımdakı o günlərdən biri düşdü. Arif müəllimin mənə bağışladığı braşuranı xatırladım. Dərhal şəkillərimin arasından tapdım onu. Əlimə aldım, baxdım və bir cümlə gözümə sataşdı:
"Mən səndən bir müəllim kimi həmişə razı qalmışam. Qoy sənin incə səsindən zövq almaq üçün xalqımız səni öz köməyinə çağırsın. İndi, mən səni səsləyirəm, Arif müəllim, oyan!"
Aysel
