Demokratik Maarifçilik partiyasının sədri Elşən Musayev facebook səhifəsində AXCP sədrini sərt tənqid edib.
AZXEBER.COM Aktual.az həmin statusu təqdim edir:
"Nə vaxtdır diqqət edirəm: Əli Kərimli və onun baş redaktoru (eyni zamanda məsul redaktoru, korrektoru və daha nə bilim nəyi) olduğu “Azadlıq” qəzeti əməllicə kompleksə girib. Hətta buna təkəbbür sindromu deyək. Və ya adamlar elə bilir nəhəng insanları, şəxsiyyətləri hədəfə almaqla dönüb özləri də nəhəng olacaqlar. Ya da nəhəng görünəcəklər!
Prezident Administrasiyasının rəhbəri, dəyərli akademik Ramiz Mehdiyev bir neçə saatlıq mətbuat müşavirəsi keçirib, amma Əli Kərimli hələ eyni adlı mövzu ilə bağlı düz yarım aydır sakitləşib qurtara bilmir. Bu haqda yazı yazır, yazdırır, öz “fəlsəfi”, “politoloji”, “mifoloji” fikirlərini bölüşür, üstəgəl hər şeyin, yəni bütün ittihamların öz üzərlərinə - ələlxüsus da “Azadlıq” qəzetinə yönəldiyini iddia edir. Oysa, adama sual edən gərək: Soğan yeməmisən, için niyə göynəyir?
Həmin müşavirədə bəzi mətbuat nümayəndələrinə yönəlik “saxtakar”, "dezinformasiya yayan”, “reket”, “şantajçı” ifadələri hamı dururkən, səssiz qalırkən anındaca sənin və qəzetinin üzərinə niyə yapışır? Söylənən tənqidləri, iradları, ittihamları görəsən hansı səbəbdən bu qədər şövqlə, həvəslə, məmnuniyyətlə rabiteyi - həzmdən keçirirsən? Və ya bu dediyim təxminən bilirsənmi nəyə bənzəyir? – Təsəvvür elə, kimsə yüz adamın qarşısında bərk səslə “alçaq", "şərəfsiz" deyib durur və... anidən birisi həmin yüz adamın içindən bir addım önə çıxaraq deyir ki: “buyurun, eşidirəm...”
Ayrıca, Əli Kərimli!
Bu ölkənin dəyərli insanları haqda danışarkən - ağlın, başın, keçmişin qalsın bir yana, hərdən dilin qarşısında da hesabat verməyi bacar. Gör, illərdir yalanı- yalana, böhtanı-böhtana calayan o dil -haqqında danışdığım həmin dəyərli insanların adının çox yox, bircə hərfini öz üzərinə almağa, götürməyə layıqdir, yoxsa yox! Və ya sənin, ətrafının, elektoratının yüz misli belə gəlsə, inan ki yenə də nə Ramiz müəllimin, nə də digər dəyərli şəxslərin bir atılan dırnağı etməz.
Amma... yox əgər illah ki, bu iqtidardan kimlərisə vuracam deyirsənsə, o zaman bir az aşağılara bax. Bir az da mövcud iqtidarın cəbhəsində sənin və səninkimilərin əlinə oynayan nadürüstlərdən danış. O nadürüstlər ki, pırıl-prırıl gəncləri, istedad yığınaqlarını, dövlətə və dövlətçiliyə canı ilə bağlı olanları radikal müxalifətçi eləmək üçün əllərindən gələni əsirgəmirlər. O nadürüstlər ki, YAP hakimiyyətinin getməsini səndən yüz qat daha artıq istəyirlər. O nadürüstlər ki, təmsil olunduqları hakimiyyətə qarşı hər gün yüz Emin Milli yaratmağa qərarlıdırlar!
Edə bilərsənmi bunu? Etməzsən təbii... Çünki, sənə sərf etməz. Çünki, sənin hədəfin ƏSL kişilərdir. O kişilər ki... bundan sonrakı ömrünü raket sürəti ilə də yüksəlməyə qalxsan, sərf etsən, yenə həmin kişilərin səviyyəsinə çata bilməyəcəksən!"
