Sentyabr ayında bəzi tarixlərin yeni işlərə başlamaq, maliyyə məsələlərini həll etmək, danışıqlar aparmaq və münasibətlərdə mühüm addımlar atmaq üçün daha əlverişli olduğu bildirilir. Astroloq İrina Nijnik ayın ən uğurlu və gərgin tarixlərini açıqlayıb.
Astroloqun sözlərinə görə, 5 sentyabr satış, müştərilərlə iş, məhsul təqdimatı və maliyyə razılaşmaları üçün münasib gündür. Həmçinin romantik görüşlər və yeni tanışlıqlar üçün də əlverişli hesab olunur.
11 sentyabrda baş verəcək yeni Ay yeni layihələrə başlamaq, təhsil və peşəkar inkişaf üçün uyğun dövrün başlanğıcı kimi qiymətləndirilir. 13–14 sentyabr isə yeni layihələrin startı, texnologiyalardan istifadə, marketinq və konkret nəticə tələb edən işlər üçün əlverişli tarixlərdir.
Astroloqun fikrincə, ayın ən uğurlu günlərindən biri 21 sentyabr olacaq. Bu tarixdə maliyyə danışıqları aparmaq, müqavilələr bağlamaq, əməkdaşlıq təklifləri etmək, iş müsahibələrində iştirak etmək, qiymət və maaş məsələlərini müzakirə etmək tövsiyə olunur. Həmin gün təhsil, təqdimatlar, reklam və media layihələri üçün də əlverişli sayılır.
28 sentyabr isə qeyri-standart ideyaların və yeni qazanc imkanlarının sınaqdan keçirilməsi üçün uyğun tarix kimi göstərilir. Xüsusilə onlayn layihələr, sosial şəbəkələr və fərqli marketinq formatları ilə bağlı işlərdə uğurlu nəticələrin mümkün olduğu bildirilir.
Münasibətlər baxımından 5, 8–9 və 21–22 sentyabr daha əlverişli tarixlər hesab olunur. Bu günlərdə yeni tanışlıqlar, romantik görüşlər, gələcəklə bağlı söhbətlər və münasibətlərdə ortaq planların müzakirəsi üçün uyğun şəraitin yaranacağı qeyd edilir.
Bununla yanaşı, astroloq 15 sentyabrda münasibətlərdə qısqanclıq, manipulyasiya və nəzarət meylinin arta biləcəyini bildirərək həmin tarixdə mühüm sevgi qərarlarından çəkinməyi tövsiyə edib.
Sentyabrın 23–26-sı köhnə işləri tamamlamaq, lazımsız vərdişlərdən və əlaqələrdən imtina etmək, yarımçıq qalan məsələləri bağlamaq üçün uyğun dövr kimi təqdim olunur. 23 sentyabrda payız bərabərliyi, 26 sentyabrda isə tam Ay baş verəcək.
Astroloqun fikrincə, bəzi tarixlərdə isə tələskənlikdən qaçmaq lazımdır. 10, 12, 15, 18, 25 və 26 sentyabr daha gərgin günlər kimi qeyd olunur. Xüsusilə 12 sentyabrda məlumatların qarışdırılması və yanlış anlaşılmalar, 18 sentyabrda danışıqlarda çətinliklər, 25 sentyabrda isə maliyyə təklifləri və verilən vədlərlə bağlı yanlış qiymətləndirmə riski yarana bilər.
/Demokrat.az
