Əhməd əl-Şaranın rəhbərlik etdiyi Suriyanın yeni hökuməti İran və İsrail vətəndaşlarının paytaxt Dəməşqə girişini qadağan edib.
AZXEBER.COM xarici mətbuata istinadən xəbər verir ki, Suriyanın paytaxtı Dəməşqə ilk uçuşunu həyata keçirəcək Türk Hava Yolları (THY) rəsmi internet saytında sərnişinlər üçün xüsusi səyahət məlumatları dərc edib.
Buna uyğun olaraq, Suriyaya gedən sərnişinlər üçün Suriya Ərəb Respublikası səlahiyyətliləri tərəfindən bir sıra qərarlar qəbul edilib. Qərara əsasən, İsrail və İran vətəndaşları istisna olmaqla, bütün ölkələrin vətəndaşları Suriyaya daxil ola biləcəklər.
Suriya vətəndaşlarından Suriya vətəndaşlığını təsdiq edən sənəd təqdim etmələri tələb olunacaq. Livan vətəndaşları əgər anası və ya atası Suriya vətəndaşıdırsa və ya başqa ölkədən yaşamaq icazəsi və ya vizası varsa ölkəyə daxil ola biləcək.
Verilən məlumata görə jurnalistlərə də Suriya torpaqlarına daxil olmaq üçün xüsusi icazə vərəqəsi veriləcək.
Aysel
