Bakıda dayısını döyən şəxsin məhkəməsi yekunlaşıb.
AZXEBER.COM Modern.az-a istinadən xəbər verir ki, hadisə bu ilin fevral ayının 18-də Xəzər rayonunda baş verib.
Belə ki, təqsirləndirlən şəxs K.M "Köhnə yeməkxana” adlandırılan kafedə spirtli içki qəbul etdiyi zaman dayısı oraya daxil olub.
Sərxoş kişi heç bir əsas olmadan dayısına qarşı nalayiq sözlərdən istifadə edib. Dayı bacısı oğlunun xoşagəlməz hərəkətlərinə göz yumsa da, sonuncu ona fiziki zor tətbiq edib.
Təqsirləndirilən şəxs Cinayət Məcəlləsinin 221.1-ci maddəsi ilə ittiham olunub. Xəzər rayon məhkəməsinin qərarı ilə ona 9 ay müddətinə azadlığın məhdudlaşdırılması cəzası təyin edilib.
Məlumata görə, dayı və onu döyən bacısı oğlu arasında öncədən şəxsi münasibətlər zəminində problemlər olub.
