Estrada ulduzu Sevda Yahyayeva bir neçə gün öncə təqdim etdiyi "Həyatımın ilki” layihəsi trendə düşüb.
AZXEBER.COM xəbər verir ki, layihə yutub trendinə 12-cı sıradan daxil olub.
Ekran işi on gün ərzində 1 milyondan çox baxış sayı toplayıb.
İfaçı böyük səs-küyə səbəb olan layihəsi barədə danışıb:
"Yeni mahnımın uğuru məni çox sevindirdi. Bu mahnını bəyənən, sevən hər kərə təşəkkür edirəm. Mənə böyük bir stimul verdi ki, öz üzərimdə daha çox işləyim və axtarışda olaraq ən gözəl mahnıları seçib ifa edərək sevənlərimə təqdim edim. Bu belə olacaq və həmişə olub. Amma indi mənə başqa bir həvəs gəlib, deyərdim bu neçə illərdən sonra ilk mahnım oldu ki, qısa müddətdə bu qədər baxış topladı. "YouTube”da 10 gün ərzində 1 milyon izlənib və birdən-birə ölkə trendinə daxil olub. Bütün sosial platformalarda insanların saysız-hesabsız bu mahnıya qarşı olan sevgisi, onların çəkdiyi videolar o gədər mənə xoş təəssürat bağışlayıb. Mahnının bəxti çox gözəl oldu və çox sevinirəm. Çox arzulayırdım ki, mahnının bəxti çox gözəl olsun və belə də oldu”.
Son günlər "TikTok” və digər sosial platformalarda mahnıya çəkilmiş videoların sürətlə yayılması onun populyarlığını artırıb.
Qeyd edək ki, nəğmənin sözləri Həsən Babayeva, musiqisi və aranjimanı isə Tərlan Məmmədhüseynova məxsusdur.
Layihənin rejissoru Delee Orucludur.
Aysel
