"Hacı haqqında xüsusən bu gün nəsə demək çox çətindir. Allah xalqımıza, millətimizə, din dostlarımıza səbr versin. Bütün onu sevənlərə başsağlığı verirəm”.
AZXEBER.COM xəbər verir ki, bu sözləri Hacı Şahin Həsənli ilə vida mərasimində iştirak edən ilahiyyatçı-mərsiyəxan Seyid Peyman Boradigahi deyib.
O, qeyd edib ki, Hacı Şahinin heç vaxt şikayəti olmayıb:
"Heç vaxt nədənsə şikayət etməyib, Hacıdan bir söz deyə bilərəm ki, mən illərdir onun yanında oluram, onun minbərindən sonra mən mərsiyələr oxuyuram. Münasibətimiz çox yaxın idi. Mənə bir dəfə də olsun belə "sən” deyə müraciət eləməmişdi. O qədər ədəb sahibi idi”.
"Səhər bizim dostlarımız bizə zəng vurub xəbər verdilər. Biz də özümüzü bura çatdırdıq. Allah ailəsinə, bizə, xalqımıza səbr versin, - deyə əlavə edib.
Günel
