BRİCS Sammiti çərçivəsində Çin Prezidenti Si Cinpin İran Prezidenti Məsud Pezeşkianla görüşüb.
AZXEBER.COM xarici mediaya istinadən xəbər verir ki, İranın beynəlxalq və regional təsirə malik mühüm ölkə olduğunu, Çinin yaxşı dostu və ortağı olduğunu bildirən Çin prezidenti "Beynəlxalq və regional vəziyyət necə dəyişsə də, Çin İranla dostluq əməkdaşlığını inkişaf etdirməyə davam edəcək", - deyə bildirib.
Çin-İran əlaqələrinin strateji əhəmiyyətinin dünyanın bir əsrdə görünməmiş dəyişikliklərdən keçdiyi bir vaxtda daha da aydınlaşdığını vurğulayan dövltə başçısı "Çin İranın milli suverenliyini, təhlükəsizliyini və ləyaqətini qorumaqda, iqtisadi inkişafında dəstək verir" - deyə qeyd edib.
Çinin daxili işlərə qarışmamaq kimi əsas beynəlxalq normaları müdafiə etmək və iki ölkənin qanuni hüquq və mənafelərini qorumaq üçün İranla işləməyə hazır olduğunu vurğulayan Si iki ölkə arasında hərtərəfli strateji əməkdaşlığın sabit inkişafını davam etdirmək istədiklərini söylədi.
Çinin Yaxın Şərqdəki mövcud vəziyyətdən çox narahat olduğunu ifadə edən Si regional gərginliyin azaldılması üçün tezliklə atəşkəsin və Qəzzada müharibənin dayandırılmasının vacib olduğunu vurğulayıb.
Prezident qeyd edib ki, beynəlxalq ictimaiyyət tərəfləri Birləşmiş Millətlər Təşkilatının (BMT) Təhlükəsizlik Şurasının qətnamələrini yerinə yetirməyə inandırmalı və gələcək qeyri-sabitliyin qarşısını almalıdır.
İran və Çinin öz əsas maraqlarına aid olan məsələlərdə bir-birini dəstəkləməyə hazır olduqlarını və "hegemonluq və tiranlığa birlikdə qarşı çıxmağa" hazır olduqlarını bildirən Pezeşkian İranın BRİKS-ə üzvlüyünə verdiyi dəstəyə görə Çinə təşəkkür edib.
Qeyd edək ki, Braziliya, Rusiya, Hindistan, Çin və Cənubi Afrikadan ibarət BRİKS qrupu ölkələri, 2023-cü ilin avqustunda Cənubi Afrikanın Yohannesburq şəhərində keçirilən sammitdə Çin və Rusiyanın liderliyindəki genişlənmə qərarı ilə Argentina, Efiopiya, İran, Misir, Səudiyyə Ərəbistanı və Birləşmiş Ərəb Əmirlikləri də daxil olmaqla 6 ölkəni üzvlüyə dəvət edib.
Mikayıl
