Ukrayna atəşkəs rejiminə riayət olunmasına nəzarətin müəyyənedici tərəfi olacaq, lakin bu prosesdə beynəlxalq qüvvələr də iştirak edə bilər.
Bunu Ukraynanın xarici işlər naziri Andrey Sibiqa "RBK-Ukrayna”ya müsahibəsində bildirib.
"Burada məsələ belə monitorinqi kimin həyata keçirə bilməsidir, çünki milli tərkib var, bu, biz olmadan baş verə bilməz, ona görə ki, bu, bizim ərazimizdə baş verir. Buna görə də Ukrayna burada atəşkəsə riayət olunmasına nəzarət və monitorinq baxımından müəyyənedici tərəfdir. Biz artıq bu prosesin təmin edilməsi üçün alqoritmlər hazırlayacaq milli komandanın formalaşdırılmasına başlamışıq", - o əlavə edib.
Xarici işlər naziri Ukraynanın son illərdə inkişaf etdirdiyi texniki imkanları - bu monitorinq üçün pilotsuz texnologiyaların istifadə imkanlarını qeyd edib. "Lakin şübhəsiz ki, Rusiya tərəfindən mümkün pozuntuların, təxribatların obyektiv şəkildə qeydə alınması üçün beynəlxalq tərkib də olmalıdır", - ukraynalı nazir vurğulayıb.
Onun sözlərinə görə, adətən atəşkəslə bağlı bu cür nəzarət mexanizmləri BMT, ATƏT və ya müxtəlif digər beynəlxalq institutların "çətiri" altında işləyir. Bu məsələ avropalı həmkarlar, ABŞ tərəfi ilə müzakirə mövzusudur.
\report
