Şimali Koreya Xarici İşlər Nazirliyinin sözçünün G7 ölkələrinin birgə bəyanatına münasibətini bildirib.
AZXEBER.COM xarici mətbuata istinadən xəbər verir ki, bəyanatda G7 ölkələrinin Pxenyanın nüvə silahları və ballistik raket proqramlarından əl çəkməsi çağırışına reaksiya verilib və Şimali Koreyanın xarici təhdidlərə qarşı nüvə potensialını artırmağa davam edəcəyi vurğulanıb.
Bu proqramların ölkənin suveren hüququ olduğunu müdafiə edən bəyanatda, G7 ölkələrinin çəkindirmə və nüvə paylaşma adı altında qeyri-qanuni və zərərli nüvə silahlarının yayılmasına diqqət yetirdiyi iddia edilib.
Bəyanatda G7 qlobal sülh və sabitliyi təhdid etməkdə ittiham olunur.
Qeyd edək ki, Kanadada keçirilən G7 Xarici İşlər Nazirləri Toplantısında ölkələrin verdiyi birgə bəyanatda Şimali Koreyadan Birləşmiş Millətlər Təşkilatı Təhlükəsizlik Şurasının (BMT TŞ) bütün müvafiq qətnamələrinə uyğun olaraq bütün nüvə silahlarından, digər kütləvi qırğın silahlarından və ballistik raket proqramlarından imtina etməsi tələb edilib.
