Taylandın turistik Çianqmay şəhərində dəhşətli hadisə baş verib. Məlumata görə, yerli polis şöbəsinə bir qadının 1 və 5 yaşlı iki oğlunu doğraması barədə xəbər daxil olub. Dərhal hadisə yerinə gedən polis gördüyü mənzərə qarşısında dəhşətə gəlib. Belə ki, evə girən polis əməkdaşları burda yatmış qadın və onun ətrafında uşaqların parçalanmış bədən üzvlərini aşkarlayıb.
Polis tərəfindən saxlanılaraq nəzarətə götürülən qadın bütün sualları cavabsız qoyub. Aparılan təhqiqatlar nəticəsində qadının 2007-ci ildə Ruhi Əsəb dinpanserində müalicə olunduğu, son 2 ay ərzində isə dərmanlardan istifadə etmədiyi məlum olub.
Dəhşətə gələn ata isə belə bir hadisə baş verəcəyinə ehtimal vermədiyini deyib. “Bir neçə günlüyünə şəhərdən getmişdim. Qayıdanda ona lazım olan dərmanları gətirəcəkdim. Belə bir şey baş verəcəyi heç ağlıma da gəlməzsi”.
Polis isə qadının hallüsinasiya (xəyal) gördüyünü, ona zərər vermək istəyən birindən bəhs etdiyini bildirib.
Məhkəmə isə qadının əqli tarazlığının yerində olmadığına, xəstəxananın Ruh və Əsəb xəstəlikləri şöbəsində müalicəsinin davam etməsinə qərar verib.
