Somalidə sərnişin avtobusunun keçidi zamanı yol kənarındakı partlayıcı qurğunun partlaması nəticəsində 6 nəfərin həyatını itirdiyi bildirilib.
AZXEBER.COM xarici mediaya istinadən xəbər verir ki, ərazi qubernatoru Məhəmməd İbrahim Somali Milli Xəbər Agentliyinə bildirib ki, sərnişin avtobusu bombalı hücuma məruz qalıb.
O, "Əş-Şəbab” terror təşkilatının üzvləri tərəfindən həyata keçirilən bombalı hücumun iş adamlarını hədəf aldığını bildirib.
Hücumda 6 nəfərin həyatını itirdiyini bildirən İbrahim aralarında uşaqların da olduğu 12 nəfərin yaralandığını qeyd edib.
Digər tərəfdən, Somali prezidenti Həsən Şeyx Mahmud ölkədə tez-tez hücumlar həyata keçirən "Əl-Şəbab” qruplaşmasına qarşı hərtərəfli mübarizə aparmaq qərarına gəlib.
Gülay
