Rəqəmsal dövrün böyük təsiri texnologiyanın insan həyatının hər sahəsinə nüfuz etməsi ilə aydın şəkildə hiss olunur. Sosial media bu dövrün ən güclü vasitələrindən biri kimi cəmiyyətin strukturuna dərindən təsir edir. Bu effekti dərk etmək, rəssamın kətan üzərinə düşən fırça vuruşlarını izləmək qədər maraqlı və mürəkkəbdir.
Hər bir qarşılıqlı əlaqə, bəyənmə və paylaşma cəmiyyətin böyük mənzərəsində yeni rənglər və naxışlar yaradır.
Bir zamanlar fərdlər arasında yalnız üz-üzə, məktublar və ya telefon vasitəsilə ünsiyyət mümkün idisə, indi barmaqlarımızın ucunda olan kiçik ekranlar sərhədləri aradan qaldıran nəhəng bir ünsiyyət şəbəkəsi təqdim edir. Sosial media müasir insanların düşüncə, hiss və təcrübə dünyasının yeni tərzdə ifadə tapdığı bir mühitə çevrilib. Hər bir yazı fərdlərin özünü tanıtmaq, varlığını təsdiqləmək və sosial statuslarını yenidən müəyyən etmək səylərinin əksidir. Bununla belə rəqəmsal aləmin mənfi küncləridə mövcuddur. Məxfilik və təhlükəsizlik problemi-Sosial media şəxsi məlumatların yayılmasına və məxfiliyin pozulmasına səbəb ola bilər. Şəxsi məlumatların icazəsiz istifadəsi, şəxsiyyət oğurluğu və kiber zorakılıq kimi risklər istifadəçilərin təhlükəsizliyini təhdid edir. Asılılıq və vaxt itkisi - sosial media platformaları istifadəçilərin çox vaxtını sərf edə və asılılıq yarada bilər. Daimi bildirişlər və məzmun axını insanların məhsuldarlığını azalda və insanların sosial həyatına mənfi təsir göstərə bilər. Yanıltıcı Məlumat və Təbliğat - Təsdiqlənməmiş məlumatlar sosial mediada sürətlə yayıla bilər. Yanlış xəbərlər, sui-qəsd nəzəriyyələri və təbliğat məzmunu cəmiyyətin ümumi bilik səviyyəsini aşağı sala və sosial qütbləşməni artıra bilər. Bu kimi mənfi təsirləri mövcuddur.
Cəmiyyətin geniş spektrində sosial mediadan istifadəsi belədir: Bir tərəfdən aktivlik odu sosial media vasitəsilə alovlanırsa, digər tərəfdən dezinformasiyaların sürətlə yayılması sosial münaqişələrə səbəb olur. Hər bir "tvit” və ya "post” sosial quruluşun bir hissəsinə təsir edir; Bəzi insanların səsi eşidiləndə, bəziləri sükut dəryasında itib. Gənc nəsillər sosial medianın cazibəsinə heyran olur və özlərini bu rəqəmsal dünyanın qaydalarına uyğun formalaşdırırlar. Bu yeni dünyanın kodlarını həll etmək tapmacanı həll etmək kimidir. Bununla belə, İnformasiyaya çıxış asanlaşdıqca, informasiyanın çirklənməsi də artır, İfadə azadlığı mühiti genişləndikcə ifadə azadlığı da sıxışdırıla bilər. Sosial medianın cəmiyyətə təsirini qiymətləndirərkən nə tam pessimist mənzərə çəkmək, nə də onu tam tərənnüm etmək olar. Bu rəqəmsal dövrün mürəkkəbliyi təbiətin özü kimi nüanslı və anlaşılmazdır. Sosial media da rəssamın fırça vuruşları kimi cəmiyyətin portretinə həm rəng qatır, həm də kölgə salır. Bəlkə də bu yeni dövrün ən böyük sənəti bu tarazlığı tapmaq və bu mürəkkəbliyi anlamlandırmaqdır. Yekun olaraq, sosial media cəmiyyətin güzgüsüdür. O, nə tam doğru, nə də tam yanlışı əks etdirir. Onun təsirlərini anlamaq bu nəhəng rəqəmsal güzgüyə baxaraq özümüzü və cəmiyyəti yenidən kəşf etməklə mümkündür. Bu kəşf bizi həm maarifləndirən, həm də sual verən bir səyahətdir. Sosial media sənətini həll etmək müasir dünyanın ən böyük tapmacalarından biridir.
Sevil Qəmbərli
