Texnologiyanın incəsənətə təsiri dərinləşdikcə, süni intellektin musiqi dünyasına rəsmi girişi mühüm dönüş nöqtəsinə çevrilib.
AZXEBER.COM Türkiyə mediasına istinadən xəbər verir ki, tanınmış sənətçi Pedro Sandoval tamamilə süni intellekt tərəfindən hazırlanmış və Spotify tərəfindən təsdiqlənmiş ilk iki albomunu təqdim edib.
Bu, musiqi sənayesində inqilabi inkişaf kimi qeyd edilib.
Belə ki, "Spotify" bazar ertəsi səhər saat 12:00-da platformasında süni intellektlə yaradılmış iki audio mahnı yayımlayıb. Pedro Sandoval, Luis Miguel Martinez və Felipe Sandoval ilə birlikdə süni intellektlə istehsal edilən ilk rəqəmsal səsləri inkişaf etdirdiklərini bildiriblər.
Albomdakı süni intellektli müğənnilər ZKY-18 və Dirty Marilyn-in səsləri elektron musiqi janrına yaxın bir tondadır. Lakin bu səslər o qədər realdır ki, dinləyicilər onları ənənəvi vokallardan ayırmaqda çətinlik çəkiblər. Bu nöqtəyə çatmaq üçün üç il zəhmət çəkilib.
Pedro Sandoval süni intellektin bədii istehsal prosesinə inteqrasiyasında qabaqcıllardan biri kimi tanınır. Vizual sənətdəki təcrübələrini musiqiyə daşıyan sənətçi süni intellektin yaradıcılıq prosesinin bir hissəsi kimi nə qədər təsirli ola biləcəyini sübut edib.
Süni intellektlə dəstəklənən sənətin orijinallığa və yaradıcılığa təsiri ilə bağlı müxtəlif fikirlər olsa da, Pedro Sandovalın layihəsi texnologiyanın bədii istehsalı necə dəyişdirə biləcəyinə dair güclü bir nümunə təqdim edib.
Oksana
