Ümumdünya Səhiyyə Təşkilatı 6 fevral 2023-cü ildə Kahramanmaraş mərkəzli zəlzələlərin bölgədə son zamanlar qeydə alınan ən böyük fəlakətlərdən biri olduğunu açıqlayıb.
AZXEBER.COM xarici mediaya istinadən xəbər verir ki, Ümumdünya Səhiyyə Təşkilatı Türkiyənin 11 vilayəti və Suriyanın bir hissəsində baş verən zəlzələlərin ildönümü ilə əlaqədar açıqlama verib.
Açıqlamada on minlərlə insanın öldüyü və yaralandığı, minlərlə evin, xəstəxananın və ictimai binanın zərər gördüyü və ya dağıldığı xatırladılıb:
"Türkiyənin cənubunda və Suriyanın şimalında baş verən və Türkiyədə 50 min, Suriyada isə 5900 nəfərin ölümünə səbəb olan dağıdıcı zəlzələdən bir il ötür. Bu, son vaxtlar regionda baş vermiş ən böyük fəlakətlərdən biri idi”.
Açıqlamada ÜST-ün bu prosesdə Türkiyə və Suriyada zəlzələdən zərər çəkmiş bölgələrə səhiyyə sahəsində dəstək verdiyi də vurğulanıb.
Ayşən
