ÜST dünyada sarılıq xəstəliyinin geniş yayılması barədə xəbərdarlığı edib.
AZXEBER.COM xarici mətbuata istinadən xəbər verir ki, Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Qəzzada 24 Hepatit A xəstəliyinə yoluxma faktını təsdiqlədiklərini, heç bir ölüm hadisəsinin qeydə alınmadığını bildirib.
Buna görə sarılıqdan əziyyət çəkən minlərlə insanın ola biləcəyi ilə bağlı xəbərdarlıq edib.
Hepatit A-nın adətən yüngül keçdiyini, lakin bəzən ciddi xəstəliklərə səbəb ola biləcəyini ifadə edən Qebreyesus, "İndiyə qədər 24 hal təsdiqlənib və heç bir ölüm hadisəsi qeydə alınmayıb. Yəqin ki, Hepatit A səbəbiylə sarılıq keçirən minlərlə insan var", - deyib.
Təmiz su, hava və ətraf mühitin olmadığı, qeyri-insani yaşayış şəraitinin Hepatit A-nın daha da yayılmasına səbəb olacağını qeyd edən Qebreyesus Qəzzada xəstəliklərə diaqnoz qoymaq və onlara cavab vermək imkanlarının son dərəcə məhdud olduğuna diqqət çəkib.
O, "(Qəzza üçün) tibbi yardıma maneəsiz, təhlükəsiz çıxışa və sağlamlığın qorunmasına çağırış etməyə davam edirik", - deyə fikirlərini yekunlaşdırıb.
Mikayıl
