Sudan prezidenti İsraili ölkəsinin əsas düşməni adlandırdı
DÜNYA
09:30 09.11.2012
1251
Sudan prezidenti Ömər əl Bəşir İsraili “bir nömrəli düşmən” adlandırıb və Xartum yaxınlığındakı “Yarmuk” silah zavodunun bombalanmasına simmetrik cavab veriləcəyini bəyan edib. “İsrail düşmənimizdir, bizim bir nömrəli düşmənimizdir”, - AZXEBER.COM-un İTAR-TASS-a istinadən verdiyi məlumata görə, prezident Sudanın dövlət televiziyasına müsahibəsidə deyib. O, müsahibəni əməliyyat olunduğu Səudiyyə Ərəbistanından verib.Ömər əl Bəşirin sözlərinə görə, zavodun bombardman edilməsindən sonrakı vəziyyətdən çıxış üçün iki variant var - İsraillə münasibətləri normallaşdırmaq və ya cavab zərbəsi endirmək. O deyib ki, münasibətlərin normallaşması mümkün deyil, İsrailə zərbə endirmək üçün isə buna imkan verəcək texnologiya alınmalıdır: “Deyə bilmərəm ki, bu, mümkün deyil. Biz həmin texnologiyanı əldə etməyə çalışırıq”.
