Ermənistanın Azərbaycana hərbi təcavüzü qəti şəkildə pislənib.
Sudan Respublikasının parlamenti 1992-ci ildə Azərbaycanın Xocalı şəhərində baş vermiş qanlı hadisələri soyqırımı aktı kimi tanıyıb.
AZXEBER.COM APA-ya istinadən xəbər verir ki, bu barədə Azərbaycan Xarici İşlər Nazirliyinin şöbə müdiri Hikmət Hacıyev bu gün keçirdiyi mətbuat konfransındaz məlumat verib.
Onun sözlərinə görə, Sudan parlamenti BMT-nin Ermənistan-Azərbaycan münaqişəsi ilə bağlı qəbul etdiyi qətnamələrin müddəaları ilə razı olduğunu bildirib, Ermənistanın Azərbaycana hərbi təcavüzünü qəti şəkildə pisləyib.
Azərbaycanın ərazi bütövlüyünü tanıdığını bəyan edən Sudanın qanunverici orqanı Xocalı sakinlərinə hüquqi və mənəvi təzminat ödənilməsini də tələb edib.
