Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rassel aprelin 15-də Sudanda münaqişənin başladığı gündən bu yana 190 uşağın öldüyünü, 1700 uşağın yaralandığını açıqlayıb.
AZXEBER.COM xarici mediaya istinadən xəbər verir ki, UNICEF-in icraçı direktoru Catherine Russell mövzu ilə bağlı verdiyi yazılı açıqlama bütün münaqişələrdə olduğu kimi, uşaqların da ən çox zərər çəkənlər arasında olduğunu və onların qorunması üçün hər cür səy göstərilməli olduğunu bildirib.
Bütün tərəfləri beynəlxalq humanitar hüquq çərçivəsində öhdəliklərini yerinə yetirməyə və uşaqların təhlükəsizliyini təmin etməyə çağıran Russell "Sudanda vəziyyət ağırdır və uşaqlar bunun bədəlini həyatları ilə ödəyir. Münaqişə uşaqlar üçün dayandırılmalıdır", - deyib.
Rassel vurğulayıb ki, tərəflər tibb müəssisələrinə, məktəblərə, su və kanalizasiya obyektlərinə və digər infrastrukturlara hücumları dayandırmalıdır.
Qeyd edək ki, 2013-cü ildə Darfur bölgəsində silahlı üsyançılara qarşı hökumət qüvvələrinə dəstək vermək üçün qurulan HDK-nın Sudanda tam iştirakını nəzərdə tutan "hərbi təhlükəsizlik islahatı” ilə bağlı son bir neçə ayda yaranan fikir ayrılığı qızğın qarşıdurmaya çevrilib.
Xatırladaq ki, Sudan Səhiyyə Nazirliyi ordu ilə HDK arasında aprelin 15-də başlayan qarşıdurmalarda həyatını itirənlərin sayının 550-yə, yaralı sayının isə 4926-ya yüksəldiyini açıqlayıb.
Mikayıl
