‘Suriyadan gələn ermənilərin Qarabağda yerləşdirilməsi sülh danışıqlarına ziyan vurur’

Trend-in məlumatına görə, bunu xarici işlər nazirinin müaviniXələf XələfovAvropa İttifaqının Mərkəzi Asiya üzrə xüsusi nümayəndəsi xanımPatrisia Florun başçılıq etdiyi nümayəndə heyəti ilə görüşü zamanı deyib. Məlumatı cümə günü XİN-in mətbuat xidməti yayıb. Görüş zamanı Ermənistan-Azərbaycan münaqişəsinə toxunan Xələf Xələfov Ermənistanın danışıqlar prosesində nümayiş etdirdiyi qeyri-konstruktiv mövqeyin regionun təhlükəsizliyinə təhdid olduğunu diqqətə çatdırıb. Ermənistan tərəfindən işğal altında saxlanılan Azərbaycan ərazilərində nəzarətsizlikdən istifadə edilərək narkotik maddələrin dövriyyəsi və terrorizm kimi qlobal sabitliyə təhdid təşkil edən faəliyyətlərin həyata keçirilməsinə diqqəti cəlb edən nazir müavini, beynəlxalq ictimaiyyət və Avropa İttifaqı tərəfindən Ermənistana təzyiqlərin artırılmasının zəruriliyini qeyd edib. Görüşdə Azərbaycan-Aİ əməkdaşlığı, enerji və nəqliyyat layihələri, regional təhlükəsizlik, Xəzər regionu ilə əlaqədar məsələlər, Ermənistan-Azərbaycan münaqişəsi ətrafında fikir mübadiləsi aparılıb. Xanım Patrisia Flor ölkəmizə növbəti səfərindən və Avropa İttifaqı və Azərbaycan arasında çoxsahəli əməkdaşlığın mövcud vəziyyətindən məmnun olduğunu vurğulamışdır. Aİ-nin Azərbaycanla əməkdaşlığı daha da genişləndirmək əzmində olduğunu qeyd edən P. Flor Azərbaycanın Aİ-nin Mərkəzi Asiya ilə əlaqələrinin inkişafı baxımından mühüm rolunu diqqətə çatdırmışdır. Avropanın enerji təchizatında Azərbaycanın vacib rol oynadığını və Aİ-Azərbaycan arasında yaradılmış strateji enerji tərəfdaşlığının əhəmiyyətini qeyd edib.