Suriyanın yeni prezidenti Əhməd Şara xalqa ilk müraciətində yeni yol xəritəsini təqdim edib.
AZXEBER.COM xarici mediaya istinadən xəbər verir ki, Şara çıxışında Suriya xalqını salamlayaraq deyib:
"54 gündür ki, Suriya on illərdir üzərimizdə olan zalım bir rejimin buxovlarından azad edilib. Suriyada əvvəl Allahın lütfü, daha sonra içəridə və xaricdə gedən mübarizə ilə əməyi keçən hər kəsə təşəkkürlər", - deyib.
Suriyalılarla birlikdə ölkə tarixində yeni bir səhifə açdıqlarını qeyd edən Şara "Dünən siyasi prosesin irəliləməsini təmin etmək üçün hüquq mütəxəssisləri ilə geniş məsləhətləşmələrdən sonra ölkənin məsuliyyətini üzərimə götürdüm. Bu gün mən Sizə bir başçı kimi yox, yaralı vətənimizə xidmət edən biri kimi bütün gücümlə, iradəmlə məmləkətin birliyini, inkişafını təmin etmək üçün çalışacağam” deyə müraciət edirəm" - deyə Şara qeyd edib.
Suriyanın prioritetlərini sadalayan Şara prioritetlərin sosial sülhün təmin edilməsi, Suriya xalqına qarşı cinayət törədənlərin ədalət qarşısında cavablandırılması, ərazi bütövlüyünün qorunması, şəffaf və ədalətli dövlət qurumlarının qurulması, güclü iqtisadiyyatın yaradılması və həyat şəraitinin yaxşılaşdırılması olacağını vurğulayıb.
O bildirib ki, istər daxildə, istərsə də xaricdə Suriya xalqına qarşı cinayət törədənlər mühakimə olunacaq.
Suriyanın güclü bir regional və beynəlxalq aktor olması üçün çalışacaqlarını deyən Şara möhkəm bir iqtisadiyyat qurmağı hədəflədiklərini dilə gətirib.
