"Söyüşə minimum on doqquz bıçaq zərbəsi ilə cavab verən vətəndaşı qəhrəman elan edən cəmiyyət, söyüşə görə vətəndaşı vətəndaşın öz qandığı yolla cəzalandıran polisdən qanun tələb edir".
AZXEBER.COM xəbər verir ki, bu sözləri yazıçı Aqşin Yenisey "feysbuk" hesabında yazıb.
"Əlbəttə, polis qanun keşikçisidir, amma xalqın, cəmiyyətin hörmət etmədiyi qanuna niyə keşik çəkməlidir ki?" deyə o bildirib.
Qeyd edək ki, "TikTok” sosial şəbəkəsində canlı yayım açaraq polisin ünvanına təhqirlər səsləndirən gəncin tutularaq ona qarşı aşağılayıcı hərəkətlər edildiyi bildirilir. Hadisə ilə bağlı fotolar sosial şəbəkədə yayılıb.
Məlumata görə, həmin şəxs saxlanıldıqdan sonra onun uzun saçları yığılmış və qırxılmış formada fotoları çəkilib. Daxili İşlər Nazirliyinin Mətbuat xidmətinin əməkdaşı Nurlan Əliyev bildirib ki, fotosu yayılan şəxsin görüntüləri polis orqanlarında çəkilməyib.
