Tahir İmanov layihənin icraçı direktoru Ramil Ağasıyevi hələ “Yumor Kuboku” müsabiqəsindən tanıdığını və izlədiyini deyib: “Məndə olan məlumata görə bu layihənin icraçı direktoru “Yumor Kuboku”nda iştirak edən “Eksklüziv” komandasının kapitanıdır. Bu komandanın üzvləri hələ yarış vaxtı digərlərindən yaxşı mənada fərqlənirdilər. Vətənpərvərlik, vətənə məhəbbət, sevgi onların çəkdiyi süjetlərdə özünü göstərirdi. Onlar çox yaxşı tərbiyəli, vətənpərvər gənclər idilər. Bu layihənin də gənclər tərəfindən keçirilməsinə çox sevinirəm. Mən öz adımdan deyə bilərəm ki, hər zaman gənclərə yardım etməyə hazıram”.

Qeyd edək ki, layihənin ideya müəllifi, millət vəkili Jalə Əliyevadır. Layihə Gənclər və İdman Nazirliyinin və Mədəniyyət və Turizm Nazirliyinin dəstəyi ilə icra olunur.

Layihədə iştirak etmək istəyən 35 yaşınadək gənclər ssenarilərini və qrup üzvlərinin koordinatlarını [email protected] elektron ünvanına göndərə bilərlər. Ssenarilər hekayə, roman, pyes şəklində ola bilər. Layihənin media tərəfdaşları arasında AZXEBER.COM İnformasiya portalı da var.