Türkiyənin İzmir şəhərində müştəri kimi götürdüyü taksinin sürücüsü Oğuz Ergeni öldürüb telefonunu və qulaqcıqlarını oğurlayan qatil Delil Aysalın ifadəsi alınıb.
AZXEBER.COM Türkiyə mediasına istinadən xəbər verir ki, Aysal intihar etmək üçün taksiyə mindiyini və intihar etmək istədiyi yerə gedə bilmədiyini iddia edib:
"Ailəvi problemlərim var. Valideynlərim qardaşıma daha çox önəm verirlər. Məni qardaşım qədər sevmirlər. Bu səbəbdən psixologiyam o qədər də yaxşı deyil. Ona görə də, Şahin Təpəsində yerləşən əraziyə gedib, intihar etməyə hazırlaşırdım. Bu səbəbdən taksiyə mindim. Sürücüyə "Şahin Təpəsinə gedək" dedim. O da dedi ki, Şahin təpəsinə çıxa bilmərik. Sonra isə dedim ki, gəlin onda Qaziemirdə işlədiyim çörək sexinin olduğu yerə gedək. Ora doğru getməyə başladıq.
Üstümdə nağd pul yox idi. Taksi haqqını kartla ödəyəcəkdim. Lakin taksi sürücüsü POS cihazının işləmədiyini dedi. Kartı qəbul etmədi. Ona görə də, silahı belimdən çıxarıb onu vurdum. Əslində özümü vuracaqdım. Taksi sürücüsünün mobil telefonunu və qulaqcığını götürdüm. Telefon kitabçasında qızının telefon nömrəsini tapdım və qızına zəng vurub dedim ki, "Atan Qaziemirdə vurulub və qan itirir. Təcili yardım çağır”. Sonra onun cib telefonunu tarlaya atıb, getdim" deyərək kamera görüntüləri aydın olsa da, Aysal qətlə tamam başqa bəhanə yaratmağa çalışıb.
Qeyd edək ki, şübhəli tanınmamaq üçün tibbi maskadan da istifadə edib.
Oksana
