Tanınmış teleaparıcı xərçəngə qalib gəldi - VİDEO

MAQAZİN
10:09 19.02.2025
427
Tanınmış teleaparıcı Yelena Sidorenko xərçəng xəstəliyinə tutulduğunu və qısa müddət sonra sağaldığını açıqlayıb.
 
AZXEBER.COM xəbər verir ki, o, bu barədə "TikTok" hesabında paylaşdığı videoda məlumat verib.
 
Teleaparıcı xərçəngə necə qalib gəlməyindən danışıb:
 
"Heç bir xəstəlik səbəbsiz yaranmır. Bunu özümdə sınamışam. Düz bir il öncə səhhətimdə ciddi problem yaranmışdı. Nə olduğunu anlaya bilmirdim və təcili olaraq həkimə müraciət etdim. Gücüm yox idi, ayaq üstə dura bilmirdim, haramın ağradığını isə başa düşmürdüm. Həkimə müraciət etməyimin nəticəsində mənə qalxanvari vəzidə bədxassəli şiş diaqnozu qoyuldu. O an hansı hissləri yaşadığımı yəqin ki, başa düşə bilirsiniz. Düşündüm ki, övladım balacadır, necə olacaq, nə olacaq? Çox ağır günlərdən keçdim. Oturdum, özümlə tək qaldım və düşündüm! Kainat məni nə üçün dayandırmaq istəyir? Səhvim nədir? Hansı düşüncələrim, hansı fikirlərim məni bu yerə gətirib?
 
O, sağalmaq üçün qəlbini qıran hər kəsi bağışladığını etiraf edib:
 
"Özüm üçün iki konkret qərar qəbul etdim. Birincisi hər kəsi bağışlamaq idi. Xətrimə dəyən hər kəsi bağışlamağa söz verdim. Asan olmadı, amma etdim. Onların şəkillərinə baxdım və içimdəki bütün küskünlüyü atmağı bacardım.
 
İkinci qərarım isə nə fikrimdə, nə ürəyimdə bir daha heç kimi, heç vaxt mühakimə etməyəcəyim oldu. Bu da çətin idi, amma alındı. Bəzən indi də kimisə mühakimə etməyə çalışanda tez özüm-özümü dayandırıram.
 
Və sizə son nəticəni demək istəyirəm. Dekabr ayında yenidən analizlərimi verdim. Nəticələrə görə məndəki şiş artıq bədxassəli yox, xoşxassəlidir. Nə əməliyyata, nə də kimyaterapiyaya ehtiyac yoxdur. Sizin də səhhətinizdə problem yaransa özünüzə, daxilinizə baxmağa çalışın".
 
Aysel

OXŞAR XƏBƏRLƏR