Azərbaycanda taxıl biçini mövsümünə start verilir. Ölkə üçün strateji məhsul olan taxılın biçin prosesinin optimal müddətdə başa çatması hər bir fermerin qarşısında duran əsas məqsədlərdən biridir.
Məhz bunu nəzərə alaraq "Prime Leasing” şirkəti ölkədə kənd təsərrüfatı sahəsində çalışanlara zəhmətinin bəhrəsini görməsi və məhsulunun itkisiz yığımı üçün sərfəli şərtlərlə ZOOMLION TE100 kombaynlarını təklif edir.
"Prime Leasing” şirkətinin kənd təsərrüfatı üzrə direktoru Fərrux Süleymanovun sözlərinə görə, fermerlər üçün müasir, sərfəli və keyfiyyətli texnika seçimi vacib məsələdir:
"Taxıl biçini mövsümü təkcə aqrar sektorun deyil, həm də ölkənin qida təhlükəsizliyinin təmin olunmasında mühüm rol oynayan strateji bir mərhələdir. Biçin dövrü, eyni zamanda, minlərlə fermerin zəhmətinin bəhrəsini gördüyü, alın təri ilə qazandığı uğurun bayramıdır. Elə bu səbəbdən də fermerlərə etibarlı, sərfəli və keyfiyyətli texnika ilə dəstək vermək vacibdir. Bizim bu prosesə töhfəmiz ZOOMLION TE100 kombaynlarıdır”.
"Prime Leasing” şirkətinin kənd təsərrüfatı üzrə direktoru Fərrux Süleymanov
F.Süleymanov qeyd edir ki, qiymətinə görə bazarda sərfəli, keyfiyyətinə görə isə fermerin etibarlı yoldaşı olan bu kombaynlar məhsulun maya dəyərinin aşağı enməsinə səbəb olacaq.
Bundan əlavə, ZOOMLION TE100 əldə edənlərə qarğıdalı biçən kombayn başlığı da hədiyyə verilir. Bu, fermerlərə taxıl biçinindən sonra qarğıdalı yığımına keçid etməklə fasiləsiz gəlir əldə etmək və investisiyanı daha tez geri qazanmaq imkanı verir.
"Prime Leasing” aqrar sektorun davamlı inkişafına töhfə verən seçimlər təqdim etməklə hər zaman kənd təsərrüfatı sahəsində çalışan zəhmətkeşlərin yanındadır”, - "Prime Leasing”-in kənd təsərrüfatı üzrə rəhbəri vurğulayıb.
Qeyd edək ki, Zoomlion TE100 taxıl kombaynı güclü mühərrik və təkmilləşdirilmiş döymə və separasiya sistemi ilə təchiz edilib. Kombayn böyük taxıl bunkerinə və rahat idarəetmə sistemlərinə malikdir, bu da onun istismarını asan və səmərəli edir. Geniş kabinə və erqonomik idarəetmə elementləri operatorun iş zamanı rahatlığını təmin edir. Bu kombayn müasir ölçmə cihazları ilə təchiz olunması sayəsində biçin zamanı hektar başına toplanan məhsulun elektron formada ölçülməsinə tam imkan yaradır. Bir sözlə, Zoomlion TE100 müxtəlif yığım şəraitləri üçün idealdır, minimal itkiləri və məhsul yığımının yüksək keyfiyyətini təmin edir.
Əlavə dənlik qarğıdalı başlığı ilə təchis olunmuş ZOOMLION TE100 taxılbiçən kombaynını aşağıdakı şərtlərlə əldə etmək mümkündür:
Güzəştli qiymət: 107 624 AZN
Lizinq müddəti: 60 ay
40% dövlət güzəşti!
"Prime Leasing” şirkətinin yaratdığı imkandan yararlanmaq istəyən fermerlər 050 219 33 44 və ya 050 219 44 55 telefon nömrələri ilə əlaqə saxlaya bilərlər.
