Dünən İran çempionatında keçirilən "Traktor" - "İstiqlal" (2:4) matçında futbol tarixinə damğa vuracaq görüntülər meydana gəlib.
AZXEBER.COM qaynarinfo-ya istinadən xəbər verir ki, Təbriz klubunun 80 min azarkeşi Türkiyənin "Barış Pınarı" əməliyyatına dəstək əlaməti olaraq eyni anda "Azərbaycan", "Türkiyə" qışqırıb, hərbi salam veriblər.
Oyundan əvvəl isə stadiona Türkiyə bayraqları ilə daxil olmaq istəyən 6 nəfər İran polisi tərəfindən saxlanılıb.
Qeyd edək ki, bir neçə gün əvvəl "Traktor"un bir futbolçusu qol vurduqdan sonra əsgər salamı verdiyi üçün İran Futbol Federasiyası tərəfindən cəzalandırılmışdı.
