2025-ci ilin aprel ayı ərzində Bakı şəhəri üzrə 13, respublikanın digər şəhər və rayonlarında isə 45 aptek olmaqla, ümumilikdə 58 aptek təftiş olunub.
Bu barədə AZXEBER.COM-a Səhiyyə Nazirliyi Analitik Ekspertiza Mərkəzindən məlumat verilib.
Bildirilib ki, onlardan 56 planlı, bir plandankənar və bir yoxlamadan kənar təftiş həyata keçirilib. Yoxlamalar zamanı 20 aptekdə nöqsanlar aşkarlanıb. Azərbaycan Respublikasının İnzibati Xətalar Məcəlləsinin 210.1, 215.4, 221.10, 452.1 və 452.3 maddələri üzrə protokollar tərtib edilib.
